【on.cc 東網專訊】女子組合HunterZ成員蕊蕊、陶枳樽（Crz）、何麗娟（Kelly）和鄧詠雪（Suetzi）早前到海洋公園大玩「哈囉喂」鬼屋，分別在「星魅製片廠」及「多啦Ａ夢哈囉喂派對」瘋狂擺甫拍照。雖然下午未見「鬼影」，但細膽的蕊蕊一直疑神疑鬼，在房內跳舞拍片時，眾人又遭恐龍突襲「拆屋」，嚇得蕊蕊立刻尖叫跑出鏡頭，三位成員依然處之泰然，繼續投入地上演「災難片」。
蕊蕊坦言曾失控打鬼，更抓到同行朋友損晒，又謂未曾跟男友金剛入鬼屋：「佢好鍾意睇鬼片，成日都畀我嚇親，因為好小嘢我都嗌，搞到佢都驚咗我。」Crz也表示不敢玩鬼屋：「試過有男仔件衫本來細碼，畀我扯到變中碼。我最怕生物，玩蟲一定唔得。」平時負責嚇人的Suetzi笑謂：「試過有男仔想扮英雄，但其實佢勁細膽，本身想保護女仔，點知自己嚇親。」Kelly則最怕驚聽鬼故，認為會引「嗰啲嘢」來。Crz又指曾與好友扮五星戰隊，並蒙面到蘭桂坊「搞事」，又指不見樣冇包袱更好玩；而蕊蕊表示今年打算跟金剛扮「美女與野獸」。
http://hk.on.cc/…/20141010/bkn-20141010052038216-1010_00862…
Search